Små samlingar til glede

Når vi no lyttar til forteljingar frå kyrkjelydar rundt i landet kjem det fine historier om gudstenester, dåpssamlingar og samtalar som har funne stad med berre nokre få menneske i kyrkjerommet. 

Menneske i både glede og sorg har vorte møtt på gode måtar, og møta har vore prega av nærleik og varme. Med få menneske til stades har det blitt god dialog, og mange seier at desse små samlingane har vore verdifulle og viktige midt i ei krevjande tid. 

Det er godt å høyra slike historier. Desse forteljingane og erfaringane må vi ta vare på og henta fram når vi etter kvart skal hente kunnskap om året som har vore så annleis for oss alle.

I årsrapportane frå bispedøma er det mange som skriv om desse små samlingane. Årsrapportane er interessant lesing og til inspirasjon, og du kan lese dei på lenka under. 

Olav Fykse Tveit
Preses

Årsmelding frå bispedøma