KORiander - Julekonsert 2024

8. desember arrangera KORiander i tradisjonen tru julekonsert i Lunde kyrkje. Og ved slike anledningar er kyrkja alltid full av folk. Koret med dirigent Frøydis i spissen, levera som vanleg ein konsert med ei god blanding av tradisjonsrike julesongar, og for koret og kanskje folk flest, nye julesongar. På dei gamle gode julesongane bidrog salen med fin allsong.
Nils Steinar Stavsholt var som vanleg konferansier, og med sin lune humor bidrog han til ei god stemning i kyrkja. Kristian Hanto var tekstopplesar. Begge sjølvsagt medlemmer av koret.
Bjørn Lona med medhjelpar Bjørn Skobba sørga for stemningsfulle lyskulisser, og ikkje minst for gode lydforhold for songarar og dagens musikarar. Og sjølvsagt for publikum.

Musikarane, som var dei same som i fjor, var kapellmeister Jan Tore Halvorsen Gauslaa orgel/trekkspel, Erling Eriksen bass, Rolf Eikeland gitar og Kasper Hilsen trommer. Korets eigen Katrine Røimål Burmester bidrog med stemningsfulle fløytetonar.
Årets gjesteartistar, som blei tatt godt imot av publikum var Irene Holte Skugstad og Vetle Rønningen. Begge veteranar i denne samanhengen.
Koret, som forresten har blitt ein del større sidan sist, stilte opp med sine eigne solistar.

Konserten vart avslutta med blomar til dei som hadde gjort ein ekstra innsats. Blomar som kom med klemmar frå korets leiar Unni Madsen.
Det må og nemnast at koret fekk ei støtte frå Sparebankstiftelsen Nome til konserten som kom godt med.