Påskevandring

Besøk frå bornehagane og skulen tysdag og onsdag veka før påske. 

Det har blitt ein tradisjon at me i Lunde og Flåbygd kyrkjelyd inviterar skule- og barnehageborn til påskevandring i Lunde kyrkje. 
Påska er sjølve kjerna av den kristne tru. Kva skjedde palmesundag, skjærtorsdag, langfredag, og påskemorgon? Saman med Berit og Frøydis gjekk dei frå stasjon til stasjon i kyrkja, og blei godt kjend med påskedagane. 

"Påske-tre"

Me laga til eit «påske-tre» i kyrkja med englar som borna hadde laga sjølve før dei kom. Dette treet blir ståande til pynt i kyrkja gjennom heile påskefeiringa, så me håpar mange tek turen til kyrkje og får oppleve dette flotte treet. Sjå berre på alle desse flotte englane!

Song

Alle hadde fått to sangar som dei hadde øva på før dei kom, og saman med Frøydis på piano så vart dette kjempefint. 

På Golgata stod det et kors

På Golgata stod det et kors.
Jesus døde på korset.
I hagen var det en grav.
Jesus lå i den graven
:/: Men korset er tomt, graven er tom
Jesus stod opp og han lever :/:

Påskemorgen slukker sorgen

Påskemorgen slukker sorgen,
slukker sorgen til evig tid;
den har oss givet lyset og livet,
lyset og livet i dagning blid.
Påskemorgen slukker sorgen,
slukker sorgen til evig tid.

Tusen takk til 1. og 2. klasse ved Lunde 10-årige skule, Skoemyra, Svenseid og Sluseparken barnehage for kjempehyggeleg besøk, og heilt utruleg flotte englar!

Velkomen igjen til neste år!