Julas gudstenestar

Advent og jul kan vere fylt av forventning og glede, av sorg og sakn, av stress og behov for å roe ned. I kyrkja er det rom for alle kjensler og menneske – og vi ynskjer velkomen til våre samlingar i advent og julehøgtida.

Mange er oppvaksen med at heile familien går på gudsteneste på julaftan, og at jula vert ringt inn med kiming frå kyrkjeklokkene kl. 17 den 24. desember. Denne tradisjonen, som gjer at vi i fellesskap går saman frå kvardag til fest, kan du framleis ta del i.

I vår kyrkjelyd er det julaftangudstenester kl.14:00 i Flåbygd kyrkje og kl.16:00 i Lunde kyrkje. Julaftangudstenesta er særleg lagt til rette for familiar, så her er det rom for born som ikkje heilt klarar sitje stille. Og du kan sjølvsagt kome i kvardagsantrekk – eller vere ferdig pynta til kvelden.

Vi inviterer også til gudsteneste på dei andre høgtidsdagane, 1. juledag kl.12:00 i Lunde kyrkje og 2. juledag kl.11:00 på Nome Sjukeheim.

Hald fram med å skape juleminne – velkomen til jul i kyrkja!

Les meir på www.lundekirken.no og på vår Facebook-side.

Under finn du ei oversikt over gudstenestane i Lunde&Flåbygd denne jula.

Julaftan         Flåbygd kyrkje kl.14:00 - solist Magnus Dorholt Kjeldal
                      Lunde kyrkje kl.16:00 - solist Magnus Dorholt Kjeldal

1.juledag       Lunde kyrkje kl. 12:00 - Høgtidsgudsteneste
                     Solist, trompet og forsongarar frå KORiander

2.juledag       Nome sjukeheim kl. 11:00. Felles for begge sokn

1.januar        Landsmarka kapell kl.16:00 - Høgtidsgudsteneste

4.januar        Juletrefest på Solhaug menighetshus kl. 16:00
                     MiniGospel opptrer!

Sokneprest: Ragnhild Halden
Organist: Frøydis Bøe Holte 

Velkomen!